2014年最後一日去高茶啦喂!!!

今日係2014年最後一日，公司可以早放3點!!好野!!!最後一日，當然要食好啲啦!!中午拉大隊去吉敏吉列豚食LUNCH!!之後等3點就同大家姐去啓德游輪碼頭去HIGH TEA 啦!!


呢間野性價比好高!!兩個人先2百幾蚊，啲甜品水準拼得住酒店!!只係地點吊腳了點!我地都係搭的士去....

望落去都幾吸引嫁!

我杯特濃朱古力有75%可可!!好滑!!!大家姐要莫加~~

有左bb後我對朱古力瘋狂愛上!!!見埋我最like既果撻，我極之興奮!!

呢個焦煻燉蛋好好味!!蛋入面有雲呢嗱籽好fresh，蛋亦整得好滑!!

呢個有酒我無食!!聽大家姐講都好味!

咸點一向唔係我至愛!scone都可以，當然酒店好吃啲!三文治無食哂....因好飽

呢個太熱氣我唔夠膽食!!大姐話炸魚有澳洲既水準!我食啲薯條就覺得好脆!!

可以望到海嫁~!不過太猛太陽，我就唔到角度影得差啲~~haha

後加今日下午既LUNCH!!都唔差喎!!豬扒炸得鬆脆!!磨左芝麻可以加辣既燒汁!!好味!!

2014即將完結!!!下年多大呀B陪我過添啦!!期待2015的來臨!!希望大家身體健康，成日食好野!!!!YEAH YEAH!!

孜然炆雞翼

呢排好鐘意食雞翼(其實我一向都係雞翼怪!)，成日煮腐乳雞翼，薑蔥雞翼，香茅雞翼, 今次唸住自創煮下孜然炆雞翼!因為成日覺得孜然真係好香!煮法好簡單食譜如下:

材料:
洋蔥1大個
孜然粉適量(我建議一路煮一路試味，就番自己口味)
 紅蔥頭5-6粒
蔥段2棵(我鐘意蔥白夠香^^)
雞賢10隻


雞翼醃料:
生抽適量(我鐘意用萬字醬油，佢唔太咸，你放到啲豉油浸住啲雞翼都唔驚)
老抽少少(上色用嫁咋!)
糖少少
麻油適量
胡椒粉適量
醃十分鐘後再撈生粉上去醃20-25分鐘


做法:
1)落油用中火煎香雞翼兩面，再轉小火煎熟，最後轉中火煎多一陣撈起備用, 咁雞翼會無咁油
2)洗鑊後落油用小火爆香紅蔥頭，放洋蔥炒香
3) 加入小許水然後落孜然粉興洋蔥炆一陣，加少少蠔油，少少生抽調味，再落雞翼同蔥段同炆
4)最後落生粉水收乾水份


搞掂!!希望大家都鐘意啦~~

第廿一週@西營盤產檢

因為無事無幹，贊育叫我以後去西營盤健康院做產檢就可以!今朝時間預計錯誤，9點要去到但我早左成45分鐘....=____=吽到8:30 先比入去診所.....所以今次籌號又拎第一.....Hahaha.....第一真係快手快腳!!度高磅重量血壓，跟住見醫生!都係聽下BB心跳，按下你個肚，比啲維他命你，9點35 around 就閃得!!因為比老公傳染左感冒，問醫生拎左全日假番家抖下(我好勤力嫁，平時拎半日假嫁咋~^__^~)

番到屋企，一瞓就瞓到四點囉....haha~~而家既胎動又強烈左!感覺好實在啊~~

要麻辣既麻婆豆腐

哈哈!!其實我真係好鐘意煮野食!!!(好彩有個肯為我洗碗既老公~~) 我既師父係我媽咪!!佢煮野食真係好味到無朋友!!不過有時會喺媽咪既指教下自己又改少少match番自己口味!我另一個favour就係麻婆豆腐，出面好少食到真係麻既麻婆豆腐，所以大家不妨自己煮呀!!!

材料:
一盒大既百福豆腐
搞肉末10-12蚊
蔥粒一大湯匙
寧記麻辣火鍋醬2茶匙(無既可用豆瓣醬一茶匙代替)



肉末醃料:
生抽適量(都係果句，用萬字醬油浸住少少豬肉係無問題既)
老抽少少(調色用)
麻油適量
胡椒粉適量
生粉適量(放生放至收乾大部份水份便可)


做法:
1)下油中火爆香豬肉末(想豬肉唔痴鑊底可以臨煎前落少少油, 我就會落葡萄籽油^^)
2) 之後加少少咁丁丁水煮豬肉再落麻辣醬/豆瓣醬，落少少生抽同蠔油調味(半茶匙至一茶匙),如果覺得咸就加番啲糖，口味既野真係要自己試味)
3) 落豆腐温柔地炒，再放蔥粒同生粉水同炒等佢收乾水份便可(因豆腐會出水，我通常會用一茶匙生粉加少少水去做呢個生粉水)


我同老公都好鐘意食嫁!!寧記麻辣火鍋醬真係好香好麻!!屋企一定要有佢看門口!!

第廿週@贊育結構檢查

今日老公陪唔到我，佢無得睇下芝士波囉~~10am 去到贊育做結構，唔係好多人，幾舒服啊~等左一陣就叫我入房照結構啦~~~


呢度啲姑娘都好好人好細心呀!!會話比我聽呢個係頭，呢度係腦入面， 一切正常!!又問我想唔想知BB性別，其實我都知係男仔，但確認多下都好!!姑娘好快就揾到佢大脾仔，用cursor指住芝士波既男性特徵話我知係仔仔!!仔呀仔!!乜你咁鐘意擘大對脾比人睇嫁!(兩次醫生都好快就睇到!) 啲BB唔係鐘意遮住嫁咩??haha...我話比老公聽，老公話"咩呀仔咁唔知羞嫁?!"笑死我~~~


當見到呀B個鼻唔似我老公，我即刻"啊呢吉帝"(唔係話我老公個鼻唔靚，但最好唔好似佢囉~~wahaha)正當我沾沾自喜時，姑娘話你睇下BB個咀仔係到郁下郁下，見唔見到呀?我即刻呆左!!!咿!!!我無眼花呀嘛??乜呀B個咀好似咁大咁既?!!!咁似我老公既!!!!我唔制呀~~之後又照下個心，四瓣心房都見到，橫隔膜啦，胃啦，腎啦，所有內臟都睇到!!我不得不讚嘆醫學既先進!!呀B間唔史又楂實個拳頭仔，好可愛!當照到最後，姑娘話照多次個心就走得，我唸住可以離開之際，芝士波開始唔合作啦!!可能騷擾佢瞓覺，佢突然扒底個身，咩都照唔到!姑娘推下我個肚，又轉下身，都唔成功!!最後呀仔搞到我要喺出面坐幾次冷板凳搞到十一點幾先走得.....

又去探果間粥舖，食完就番工lu~~~~


仔呀仔，媽咪好期待你出世啊!!唔知你個樣會係點既呢??

第十九週@瑪麗血糖測試!

今日倒塔咁早要8:30 am 去瑪麗驗血糖!!平時我好早6點幾就肚餓啦!!唉, 前一晚十二點唔比食野....今日拖著肚餓既身軀爬去瑪麗....嘩!!8點20分已經超多人囉!!排隊等抽血，抽完我一口氣飲哂杯糖水....好難飲, 甜到漏.....飲完其實我個胃已經唔舒服，唯有死忍，因為嘔左要再book 第二日做過....坐呀坐，要等兩個鐘!!我捱住老公瞓著左，之後佢提我2個鐘過左，我又去揾姑娘抽第二次血!!呢次第二個姑娘幫我抽血，佢話我啲血管幼，我心唸捐咁多次血都無人話過我血管幼,唔通佢係新手? 擔心會比佢整痛之際，好彩都安然無恙....^____^一抽完即刻食左老公買比我既腸仔包!!!大佬!!十一點幾啦，想餓死人咩~~~

折騰左半日，搭車落西環求其揾間茶記食午飯，之後又趕番工lu~~~有老公陪啲時間唔會覺得好漫長~~真好~~~keke

Family BBQ @二姐會所!

嘩嘩嘩!!!!終於一個星期又完結啦!!!我最期待既星期六，日又黎啦!!今日我地全家都等左好耐啦!!因為會去二姐會所BBQ!!!我地一早已經分工合作，大家各整美食!!!Excited!!!!今次媽媽會自己腌黑椒雞扒，大眼雞，我就腌叉燒雞翼，二姐會腌豬仔骨同豬手，仲自家製整朱古力bun!!!!嘩!!真係唸起都流口水!!


我一早同老公番左教會，約埋大姐就搭的士入二姐度!!爸媽一早到左囉!!隻死人臭B又玩hiding game!

鬼鬼鼠鼠偷望人!!

陰公豬比人扮女仔!!

因為我怕弓型蟲，所以同老公落左BBQ場等佢地!!

呢個爐啱哂我!!坐喺度等食!!

呢個係二姐之前腌定既豬仔骨!!

焗朱古力包，熱辣辣食好好味!!

燒呀燒!!

睇見都流口水!!

二姐既豬手!!佢話本來想用啤酒腌,但我唔飲得酒，所以無咁淋~~加佢秘製辣汁食好正!!

其實仲有好多野食嫁!!!超好味Johnson芝士腸啦，四海什丸啦，粟米，紅黃椒，廚司腸，燒賣，大眼雞，金菇....blablabla,不能盡錄!!食到勁飽!!之後同家姐s姐夫老公去暢泳!!泳池大到呢!!!

今日又係開心既一天!!1happy happy!!!

第十七週@胎動??

今日番工好開心!!因為係星期五嘛!!!輕輕鬆鬆又放工!!!不過今晚老公要番大學，我就又去媽媽度食飯!!


嘩哈哈!!最鐘意番屋企痴餐食!!!又好味自己又唔駛煮得咁辛苦!!媽媽又成日就我煮啲我鐘意食既野!!呢排有時個胃會唔舒服!!今晚媽用粟米粒炒雞丁，味道清新之餘我又勁like食栗米!!!仲有媽既足料靚湯!!今晚有螺頭花膠煲冬蟲花，媽媽話好有益!!我煲湯永遠都追唔上我媽!!佢啲湯真係超好味又好濃!!!my favour!之後我前日同媽講想飲桑寄生，媽今晚就煲埋桑寄生南棗蓮子煲雞蛋我食!!媽話南棗仲補血過紅棗!!辛苦媽媽了!!!好好味既一餐!!


食完飯坐喺度睇電視，個肚皮突然feel到輕輕力彈左3下!!唔通係胎動?芝士波喺度踢我?我問爸媽咩咁早會feel 到胎動嫁咩?媽話唔出奇嫁!!!嘩!!係真唔係呀?!!


呵呵!!之後10:20(已過我平時瞓覺時間)，老公放學lu，我就離開媽媽家join 番老公!!點知等van仔時又feel 到肚皮好似頭先咁彈左2下!!!haha~~我都有啲認為係胎動啊!!以前從來無呢個感覺嫁!!好期待兩週過後，胎動感覺應該會強啲!!!


好享受懷孕既過程啊/11有無媽媽子好似我咁呢??大家一齊加油啦!!!

瑪麗講座--母乳餵飼

今日又聽講座啦!!自從決定去公立試順產，我就盡量做多啲準備啦!!起碼自己盡左力啦嘛!!呢排都行多左路，食完飯落運動場行下!!hahaha~~

一放工就飛奔去瑪麗，7點聽talk 啲時間真係好緊迫啊!!根本無時間食野!!老公買定Mcdonald 喺瑪麗門口等我!!!哈!!我喺搭電梯果短短時間鯨吞左個板燒雞腿包(費事入到去食啲咁大味既野影響其他人)!


入到去都好多媽媽聽talk 啊!!姑娘講左好多餵母乳既資料!!!我都唸住無論幾攰我都要餵佢食全母乳至6個月!!!之後餵到幾多得幾多啦，想就緊係想餵到at least 歲半啦~~原來姑娘話母乳好淡味!!所以瑪麗係絕對無補奶粉呢回事!!因為BB一食左奶粉驚番唔到轉頭,因為奶粉有甜味，可能bb之後唔肯再食母乳!!!席間教左好多餵母乳姿勢，擠奶既手法， 餵食既正確方法同時間.....blablabla....不過我覺得到時實戰練習先重要!!加油!!

走時仲有huggie 禮品拎!!haha!!so good!!!

順產定開刀??瑪麗醫院講座--分娩的過程

今日要2點去到瑪麗醫院聽講座，不過我好早就醒左啦!!因為我7點幾扎醒左就不停思巧究竟我順產定開刀好呢?順產既話我一定揀公立(因為邊度生都係會劇痛)開刀我一定揀私家, 揀個信得個而且有經驗好手勢既醫生主診!!!爸爸媽媽都想我順產，因為佢覺得坐月我可以補得好啲!而奶奶知我會去私家生仲嬲左我，搞到我好唔開心又有好大壓力!


其實我個人真係好忍得痛!!因為我對腳唔好要成日睇物理治療，個治療師好大力按我我都唔會叫一聲!!而做衝擊波果種痛到入心既感覺我都係堅持唔會叫出黎!(隔離啲足球員都電到叫哂救命咁....)我呀爸有一次同我講"囡呀, 你自然生到就試下啦，況且你都好忍得痛既，我仲記得帶你去矯正腰骨時，個醫師不停扭你啲骨你都叫都唔叫一聲，隔離個女人叫到勁大聲了..."其實我真係唔怕痛,但我有好幾個concern:


如果順產:
我聽好多第一胎既人講，第一胎至少要痛7至10個鐘以上(姑娘都係咁講)，我唔驚痛，只係驚自己唔知會痛幾耐，因為好多媽媽痛左十幾個鐘都生唔出，因為咁樣影響呀B心跳同呼吸變差，個頭會腫，最後要緊急開刀挨多刀!因為太多突發野控制唔到，我最驚影響到呀b!
當然我知順產都有好幾個好處，如平好多啦，生完都係幾百蚊，另外對媽媽bb 都好,bb 經掙扎而出黎心肺功能呼吸會好啲!而順產完可以即刻坐月補番!!


如果開刀:
聽好多開刀同事講開刀好舒服!!唔駛經歷陣痛，推入去半身麻醉半個鐘內就聽到呀B 喊聲!!小好多突發事件影響呀b 健康! 之後私家有塞patpat 藥同勁力止痛藥加托腹帶，生完落床都唔係咩野點痛(我成日覺得啲皮肉之痛我一定忍到，但陣痛呢家野真係無法想像係點)!之後出院都無咩食止痛藥!!快靚正!!另外開刀知邊日入院，老公一定可以喺側邊陪我~!
不過私家都有唔好處，就係要過成30-45日先可以開始補身體!!啲老人家成日話開刀身體會入風，對媽媽健康無咁好!~另一個唔好處就係私家生仔比公立貴好多倍!!


唉!!所以都好掙扎唔知點好!!但又差唔多要喺私家留位了!!問老公老公又話最緊要我自己點唸!!(好費...)佢話如果唔理陣痛果啲痛，佢其實想我試下順產，因為佢覺得呢個方法始終自然啲對我無咁傷!!但佢最擔心同心痛就係驚我好痛.....唸黎唸去!!把心一橫豁出去!!試下順產先啦!!!我仲後生，有氣有力!!應該應付到既!!!其實我一早save左一筆開刀既費用，錢方面絕對唔擔心，不過今日有一刻突然閃過一個唸法....就係8萬蚊並唔係一個細既數目，我save既呢筆錢比埋芝士波用咪仲好?佢可以夠上一年既活動課程啦!!!(突然覺得自己既母愛好偉大!!hahahaha)仲有自我安慰自己唸咁多都無用, 個個都係咁生嫁啦，好多野都唔到自己控制時不如認下命!!你唔試永遠唔知自己痛幾耐,幾耐先生得出!!!可能我忍到呢啲陣痛呢?又可能我好快生得出呢??呢啲全部都係天主既安排!!!我可以做既就係將自己交託比天主，求天主保守我吧!!!


決定左後老公當然好支持我啦!!去瑪麗醫院聽呢個講座就變得更加重要啦，因為佢今次講既係分娩既過程!!原來分娩有分3個時期，等開1-3度子宮頸係第一時期，開左3度可以去產房啦!第二時期係生產既時候!最後時期係後期工作如醫生護士幫忙拎胎盤出黎,同埋縫會陰傷口!!姑娘話瑪麗好少會剪會陰，因為通常都夠位生，除非呀B個頭真係好大啦!!不過剪同埋縫會打麻醉先, 唔駛擔心!另外醫院都有好多止痛方法(雖然好多人都話無咩大作用)....不過都已經好過咩都無!!姑娘提醒我地點吸笑氣, 因有啲媽咪其實痛到自己咩都吸唔到以為自己喺度吸緊!!我上網見到好多媽媽講無痛分娩既偉大力量, 席間我都不停問關於呢個既問題!!呵呵!!瑪麗係廿四小時都有呢個服務!!我會爭取用嫁啦!!!!用唔用到就聽天由命啦!!


個講座聽到4:30 鐘，感覺瑪麗啲姑娘都好好，亦因呢個講座了解多左好多!!!加油啦我呢個媽媽!!!


之後搭車去寶琳，去老公小學同學屋企gathering!!食薩莉亞意式餐廳!!好多人等位啊!!!我第一次食， 原來咁鬼抵食嫁喎!!啲spicy chicken wings好得喎!!食飽玩左陣board game就走lu~~

第十六週@第四次產檢at 私家...芝士波原來係.....

今日又係好開心既一日!!我等左呢一日好耐嫁啦!!因為醫生叫我今日番診所覆診, 好彩既話會知芝士波性別啊!!!!所以我鑋係好期待啊!!又可以見下芝士波!!!


番工到十二點就走人, 老公黎接我放工，咁啱二姐請左今日假(因為可以連放5日!!), 佢又過黎同我食午飯!!我地去左mega box 食韓食家!!二姐仲話要請芝士波食飯，所以我同老公都受惠~~多謝哂~~


食飽搭車出尖沙咀等睇醫生!又坐左一個多鐘頭先入去....我喺等耐既期間，不停摸住個肚同芝士波講,"你要乖呀，唔好遮住重要部位呀知無?!" 奢望我可以催眠佢令佢比醫生睇清楚~~whahaha!入到去醫生問下我出血好啲未 ,有無唔舒服就同我入去照超聲波lu~~~


醫生一路照一路同我講，雖然16週，但有時未必照到嫁，但喺佢講完無耐後，佢就指住個monitor 一個位置，圈起佢話呢個係就佢性器官， 係仔仔黎嫁!!嘩!!!我聽到笑到見牙唔見眼啦!!!我不知幾想佢係仔仔啊!!!不過老公就想要囡多啲!!因為佢話囡囡嗲啲喎!!不過其實芝士波係仔定囡我地都會咁錫你嫁!!之後醫生度佢頭圍呀，臍帶長度，度佢重量, 聽埋心跳，仲話芝士波收埋左塊面好難睇到佢有無兔唇，不過醫生還是好用心去照佢個咀，之後同我講佢應該無，話到照結構時會清楚啲，因為現階段佢還未完全發育得哂 ，睇到既野好有限!!不過佢話芝士波所有野附合標準!!唔駛擔心!!(其實我覺得佢已經幫我照左好多野, 唔個醫生真係好細心!)我發現芝士波而家比預產期大左2日!!Haha~~你要加油長大啊!!


之後同醫生傾下手術價錢, 醫生話佢開刀大概預6-7萬喎，不過我唸應該要成8萬蚊!又問下佢啲問題, 佢話如果開刀就大概38週頭就會做，我記得而家浸會至下年3月7日前生會減3000蚊，應該喺我38週around 會完 ,好彩醫生話浸會而家extend左 減3000元既優惠!!本來唸住即刻book埋醫院，不過都係同爸媽商量下先再決定!拎埋藥盛惠又9百蚊lu~~


之後又肚餓!!拉左老公食我至愛既星座冰室!!蕃茄豬扒通(如果無bb我絕對會要出前一丁)真係好好食啊!!!!佢既味道係好有家既感覺!!即係好似我媽媽煮果啲咁!!又一老店推介!!!


今日好開心!!!可以開始睇下衫仔lu~~~~

第十五 週@贊育第一次見醫生

今日約左下午三點去贊育產檢, 番左半日工十二點正離開公司，老公喺樓下接我同我去食晏，之後我地就搭車去贊育啦!!

因為呢排佔中,所以我地早左搭車出去，點知交通又無預期咁差，我地早左成個鐘到左!!!但因為太熱,所以我寧願喺贊育坐嘆冷氣!!


今日成日都心情好靚,因為我成日以為公立醫院產檢都好似私家咁有超聲波照!唸住又可以見下芝士波!!!點知等到四點半先有得睇，仲要係咁二用個胎心機聽下個心跳正唔正常就走得.....等得耐但睇得果5分鐘....不過芝士波健康正常就好了!!!醫生話我個唐氐檢查都好正常無咩野!不過席間醫生問我有無家族遺傳病，我話daddy 有糖尿, 就因為咁醫生寫紙要我去瑪麗抽血驗血糖....我唸應該無野既, 因為我好少食甜野....睇完後醫生無啦啦開左啲維他命我去拎，我去到藥房佢比左一個半月既meterna 我，我仲拎住個銀包等佢收我錢, 藥劑師望住我，同我講搞掂嫁啦, 你走得嫁啦!!我當堂呆左.....乜政府醫院睇醫生拎藥唔駛錢嫁??嘩!!happy happy!!媽咪明明話要錢既...之後約埋11月3日大概20週鬆啲做結構檢查!!搞掂走人!!!我地由二點喺醫院到差唔多5點半先走!!omg!!!

芝士波又叫肚餓!!我真係覺得我成日好快肚餓, 所以去西環一間老字號粥舖食炒面!!果度啲炒面超好食!!佢地既面條係好幼果隻，唔似而家出面全部都粗到好似米粉咁, 所以炒出黎特別入味!!!我唸市面上都好少有舖頭可以做得咁出色!!老店絕對有好大既生存價值!!慶幸我仲有機會食到啲舊風味既食物!!唔知芝士波第時有無機會食到呢??(呵呵,不過唔緊要, 我會話比佢聽你喺媽咪個肚入面食左!!^____^)


點之走人時先恐佈!!交通被灘渙了...我地唸住由贊育行去西環搭小巴去土瓜灣再轉巴士番媽咪屋企食飯!!點知小巴站前所未有咁長龍，前面個呀叔仲不停鬧啲佔中人士點擾亂交通不停爆粗!!我見勢色唔對等左一陣就同老公講我地去港澳碼頭搭巴士好了!!好似有排都唔會有小巴!!!如是者又行左15分鐘...點知去到巴士總站，原來全線巴士因佔中而停駛...我終於明白點解果位呀叔咁火爆啦!!不過我理解佔中背後動機，所以唯有揾方法離開港島啦~!!老公驚我對腳負荷唔到(我都覺得好神奇我竟然可以由贊育行到去港澳碼頭...)所以不停叫我搭的士番沙田算....哈哈!!不過我一向覺得應駛得駛，2 個人搭的士太浪費資源又唔環保, 所以我緊持搭地鐵(雖然我對腳已經好累....)!於是，我地又行去上環MTR....地鐵好多人啊，不過最後都成功去到九龍塘搭巴士番媽咪度.....


噢, 辛苦既一天啊!!希望香港可以少啲紛爭啦!!我唔想見到一我直長大既香港慢慢失去和諧同競爭力!!真係會心傷的....

第十三週

今日已經係第十三週啦!!!感覺有啲唔同左....而家雖然都係成日胃脹，食飽就頂得好辛苦，又成日"蟻住蟻住"想作嘔咁， 但我發現我好易肚餓....由其一早起身無耐，個胃肚餓到好似扭住扭住咁好辛苦，一食啲野落去就舒服哂....唔通我果個係大食b???又食完午飯大概3點around又會肚餓要食餅....唉，又胃脹又肚餓果種感覺真係好矛盾!!


不過每晚要我唸食咩我都仲係好反感， 因為我真係無咩胃口，唸起都唔想食....但又唔可以唔食野!!所以我呢排成日煮蕃茄汁....haha~~蕃茄牛肉啦，蕃茄蛋啦，蕃茄免治牛肉煎蛋飯啦，蕃茄牛柳粒湯烏冬啦....今晚， 都係想食酸野，所以決定煮梅子蒸排骨!!


老公話而家要開始胎教啦喎!我晚晚沖完涼佢都趁我玩candy crush住硬播啲貝多芬古典音樂我聽！！！啲音樂簡直係催眠曲, 佢一播無幾耐我地兩個都好眼瞓~~haha~~~



.

第十二週@贊育第一次產檢

老公一早幫我BOOK左贊育做產檢，但都等到我十二週先有得第一次睇!其實好多媽媽都會好似我咁公立同私家兩邊睇，慳番啲OSCAR 同照結構錢~~^^不過因為我真係好驚痛，我唸我多數都係會喺私家開刀.....=____=不過仲有慢長日子!!仲有時間慢慢唸....


贊育其實好近屋企, 搭的士5分鐘就到lu~~~8點15分到，我同老公仲排第一位tim啊!!!超開心, 排第一位咩都快過人!!!第一個拎表格填，第一個走去照oscar!!而家好好啊，即時同你照oscar 同埋抽血，我成個過程都唔駛一個鐘!!唔駛等好梳乎!!不過後面啲孕婦就要等好耐啦~因為佢跟number排嫁~~~

每次都好期待見呀b, 見到超聲波呀b又大隻左， 呀b 不停遮住自己條頸，姑娘不停震我既肚皮，我見到呀b被震到打左個跟斗之後放自己隻手指入口食手指!!好搞笑!!呀b好唔合作呀，姑娘照左好耐都照唔到，我最後忍唔住心裏面同呀b講"你要乖呀，快啲比條頸姑娘度呀" , 唔知佢聽唔聽到，不過姑娘之後好快就度到啦~~之後就去抽血，比人抽左4枝半，好彩我一向有捐開血,所以都唔係好驚~~之後極速約埋下次覆診日記同book 左啲courses 上，咁就走左lu~~~好快!!!


見有啲喉嚨發炎，去左睇醫生, 但醫生下午才回來，唸住走之際姑娘無啦啦又話醫生5分鐘內番!!真係好LUCKY!!!睇完醫生去左銅鑼灣食午飯再睇埋<<等一個人咖啡>， 真係好好睇!!好LIKE 九把刀!!感情寫得好細膩而可以進入你心扉!!睇到眼濕濕!!好開心我等到我既果個人.....就係我個傻老公~~HAHAHA


之後同老爺奶奶食晚飯，咁又一日LU~~

第九週六天@ 出血了....

今日開開心心又番工!!今朝幾忙啦!!食完早餐一直做野做到10點幾先有時間去廁所!!點知一去廁所，見到有個大過5蚊銀既血積!!仲一直有鮮血流!!上年既記憶又回來!!腦海一片空白!!好驚好驚!!一出廁所即刻揾我經理講(男的)，我經理陪我番埋位，叫我快啲去睇醫生!!一路叫我小心啲!!我就打比老公好驚咁同佢講我流緊血....老公即刻幫我打去診所book 醫生，醫生比我揷隊睇12點!!我就小心咁走去搭的士!!!當我喺公司等lift之際, 我經理無啦啦衝出黎，話都係陪我揾埋的士好啲!!果一刻我覺得我經理真係好好人!!可能已為人父明白做媽媽既感受!!


去到診所揾番我婦科醫生, 我自己一個坐喺度，心裏不再那麼害怕，因為我知天父會看顧我!之後就開始祈禱!等了一會，老公都趕到了!!佢可能知我驚，一路趕黎一路message我!!今日診所比較忙，姑娘話我前面仲有十幾個，由十一點幾等到兩點幾我先有得睇!我同老公喺等待既期間睇RUNNING MAN!真係好好笑!~~~入到去見醫生，我話比佢聽我既情況，亦都同佢講我上年11月lose過, 醫生即刻同我去照超聲波!當我見到呀B仲有心跳，喺度郁手郁腳，我真係忍唔住喊左出黎!!醫生平時唔多出聲，但佢見我喊都不停安慰我!叫我唔駛擔心， 通常呢個週數有85%既媽媽都可順利產子啦!又不停同我講每一次lose 既case都係好獨立，叫我唔好咁擔心!!我見到相隔左4日, 呀B大左好多呀!醫生話佢而家有手有腳TIM啊, 好健康，子宮都無積血!!話好多媽媽都有出血經驗，只要唔係出血好似AUNTIE 黎咁就唔駛太驚!寫左3日假叫我番屋企抖下!!我即刻鬆哂....


之後3點幾食我既LATE LUNCH!!(麥奀記真係有唔抵食又唔好食!!!食完要去茶餐廳再食下午茶....)食完搭的士番屋企!!尖沙咀真係好癲!!要行到MACRO POLO HOTEL先有的士站搭的士....其他全部拒停車....幾時香港搭的士係咁缺嫁??

咁就展開左我長灘喺床既6日旅程啦~~

第九週@第二次產檢at 私家醫生

呵呵!!終於等到第二次產檢囉!!呢排成日都想作嘔，個胃成日唔舒無咩胃口咁!!不過好彩唔係真係要嘔!不過已經晚晚半夜要疴夜尿!呢樣係我未有呀B前唔會出現既習慣!唉!做媽媽真係辛苦!!快啲過左作嘔作悶既日子啦!!


今日請左半日假，又去診所覆診，好開心每次老公都可以陪我去!!食左午飯睇埋套<忍者龜>時間啱啱好!!不過又係等左1個鐘!終於照超聲波，呀B大粒左好多!!心跳都快左波幅大左!!醫生話呀B一切都標準而且健康，唔駛擔心!!因為我太like食spicy food, 所以問醫生可唔可以食!!wahhaa, 佢問我咁四川人點算??佢話我接受到同唔肚疴就得!!勁happy!!!!


睇完醫生我即刻好想食辣野，所以拉左老公去食韓國野， 見到Openrice 間Hungry Korean 好評如潮，就去試下!!不過食完覺得所有野都好一般，屋企樓下果間好食好多~~~hahaha

第七週@ 第一次產檢at私家醫生

今日第7 週 ，終於第一次產檢啦!!呢個醫生係朋友介紹，一入到去發現原來我以前都有睇過佢!!Wahaha!!我真係大頭蝦!~~呢個醫生都幾出名，約左5:00 但等左成個鐘先入得去!!好期待見到呀B啊!!

老公同我一齊去見醫生，當醫生準備同我照超聲波，我因為要揾番幾時發現懷孕既日子比醫生所以都無咩緊張，反之之後老公同番我講，原來佢等睇超聲波果一刻係好緊張嫁喎!!哈哈!!好傻瓜啊!!直到醫生照到個胚囊喺子宮入面, 亦聽到心跳，老公即刻好開心!!(做人父母成日唔係worry呢樣就果樣, haha) 呀B size 正常，心跳都正常，我覺得好奇妙啊!!呀B， 你要快高長大啊!!

Bingo 左!!!!

今日auntie 仲未黎探我，我忍唔住去廁所用紅啲又驗下，點知有2條深紅線!!我果一刻好感動淨係識感謝天父!!由上年11 月所失去既傷痛， BB終於番黎揾我啦!!不過紅啲其實唔係用黎驗孕，所以走左去屈人寺買枝棒棒驗就最準確!點知一驗!!!嘩!!!中奬呀!!!!我同老公都好開心啊!!!今日係我最開心既一天!!!不過呀媽知道左就不停叫我呢樣小心果樣小心咁!!!祈求天父保守我同BB啦~~

 

(圖片可能會引起觀眾不安，驚請見諒~~~)



有左嗎??

今朝瞓到矇茶茶起身去廁所， 發現有一個大概一蚊銀既血， 我心唸auntie 又黎探我了!!之後就番房繼續瞓!!但瞓夠沖完涼又無血喎， 心裏覺得極度奇怪!!不過前幾日先驗過綠啲，係咩線都無....唔通係著床血??不過算啦， 唸咁多都無用，遲早都會知，動身去二姐屋企玩LU~~~


二姐最近搬左去將軍澳， 養左隻好CUTE 既貓叫臭B,  好想探下佢喎!!一入屋，隻衰野就定左格望住我地!行前少少就飛奔入床下底!!但用零食同玩具引佢, 佢又走出黎玩喎!真係貪玩又8卦!!但佢都係成日捐左去床下底，可能仲驚我同老公!!之後我同老公喺梳化扮瞓覺，隻野又超八卦小心奕奕咁喺梳化椅背行過黎偷望我地!!真係笑死我!!

玩到夜晚我地叫元氣壽司外賣，食飽飽先番屋企!!

佢個樣成日嬲飽飽咁!!但又好鬼痴我二姐!

Happy Birthday to my Husband~~

其實老公生日過左，因為喺平日難慶祝啲，所以我靜雞雞BOOK 左星期五住Discovery bay 間酒店，比個驚喜老公!!!

 

 

是咁的，講大話唔"斬"眼既我，就喺星期五放工後同老公講我要去中環睇果一大堆紙熊貓!(鬼月咩?!!!haha)咁我自己一早就pack 好哂兩公婆既行李啦!之後仲"昆"我老公話中環碼頭有車去果度!點知我老公又信喎!!不過當然去到discovery bay個碼頭度我話急小便要入去廁所時我老公就發現我拐帶佢啦!不過我地就係咁上左船啦~~haha

 

 

 

我一早book 定ZAKS, 仲要求坐出面要望到disneyland煙花既位!!去到真係坐左個正到不得了既枱!!不過真係好鬼熱啊出面!!!!不過食物水準真係幾ok!!!!推介!!!

 

 

my favourite Hoegaarden + Nachos!!

 

好靚啊夕陽!!

呢個我相信係我食過最好食既carbonara!!!好滑好creamy!!!

呢個係泰式牛扒沙律!!!酸酸的挺特別!!

之後靜雞雞叫waitress拎個蛋糕出黎!!呢個banoffee真係超好食!!chef 個挑花好靚!!

放煙花囉!!!!

之後坐日士入去酒店，之前梗係土supermarket 買beer n snacks 啦!!haha

到酒店啦!!!!excited!!!

lobby!

酒店知我係celebrate 老公生日，自動upgrade我去海景房!!!so happy!!!

老公話最like係個企缸!!!望住個海好free喎佢話!

仲有小小禮物比我地!!so sweet!!

啤一啤佢先!!haha

第二朝起身望住個海好舒服!!!

 

老公係開住個簾沖涼囉!!!佢話同大自然好親近喎!!

早餐地方!!

都算多野食之餘質素唔差嫁~~

我都幾like杯coffee~~~~

之後番房又沖下佢啲coffee...唔會好飲得去邊啦當然!hea 左一陣就落去游水囉!!!!無咩人游!!不過當然無得影相啦~~hahaha

 

游完水沖完涼就落下面個lounge 拎我地既小禮物啦~~

香檳!!

呢個蛋糕好濃朱古力好好味啊~~

hea 完就周圍行下啦!!呢個係好多人結緍既教堂~

之後check out 又食過!!!試西班牙野!!呢個牛尾春卷好味!!牛尾唔蘇又炆得淋滑!!

呢個蜆麻麻!!我喺澳門食果個好食好多!

呢個墨魚意粉都幾好!!!意粉煮得啱啱好!!

食飽比老公見到呢間賣kebabs既店!!又憶起佢喺Australia 既回憶....所以又食埋佢...不過老公話唔夠Australia 好味啦!!

 

跟住輪到我啦!!我細路時好like食忌廉筒!!比我見到差唔多既鬼即刻買左黎食!!hahaha!不過都係以前既野好食好多啦!!食唔番嫁啦....

 

 

之後拎住啲receipts 換free 既船飛，就出番市區囉!今次生日老公好滿意!!大家都玩得好開心!!!happy birthday, 老公!!!