自家製蔥油香芧豬扒飯+ 川貝無花果燉梨

今朝同婆婆仔飲完茶，我同傻雞老公就番daddy 屋企坐左陣先番自己屋企煮飯啦!自從爸爸差啲就離開左我到現在，頻撲既日子維持左兩個月有多，好耐未煮過飯，亦好耐無乜寫日記!喺呢度我好想多謝我傻雞老公，喺佢放大假既日子而我要番工時，佢就代我照顧daddy，佢真係好錫我一家! 令佢個半月假就咁無左....所以今日要做番個煮飯婆慰勞佢!!


見佢成日都掛住香芧雞翼同豬扒，我就整比佢試下啦!


蔥油香芧豬扒飯
材料:

• 雞翼+豬扒(有骨好食啲，用鬆肉鎚整鬆佢)
• 香茅2條(切碎，不過下次試下磨蓉應該更入味)

*肉類我通常用生抽，小小老抽，麻油，胡椒粉，生粉醃!但因為今次雞翼溶唔切雪，我加埋薑汁酒!再加埋香茅醃一至兩個鐘!


蔥油:

• 蔥切粒(視乎你愛蔥油既程度，我用左6棵)用一茶匙糖，一茶匙油，少少胡椒粉，2-3茶匙麻油醃!
• 而油就燒紅鑊用洋蔥半個、6粒蒜(切片)，蔥段(2-3棵)、薑片(5-6片)爆香!之後隔渣將油倒入醃好既蔥粒度!(超美味呀~~~~)

做法:

• 醃好雞翼豬扒拎去炸!就係咁簡單!^__^!建議用中至大火炸香兩面，再用細火慢慢炸熟!最後轉番中火炸一陣迫番啲油出黎，肉就無咁油淋淋嫁啦!
• 之後加上蔥油，搞掂!

爆香緊啲油，真係好香!!

完成了的蔥油!!

醃左一個鐘既豬扒同雞翼，有時間既話非常建議醃耐啲!最好醃過夜!

 製成品!

同場加演川貝無花果百合雪耳燉雪梨!好潤!呢個就黎轉秋既季節好易喉嚨唔舒服感冒，飲呢個就啱哂啦!!

川貝無花果百合雪耳燉雪梨

ENJOY !!!!!

Happy Bday to Father in-Law

今日係老爺既生日! 放工去睇完骨科就衝去我地既飯堂啦!!!今日又係我最開心既日子，因為老爺又大一歲，即係意味著又有好野食!!!Wakaka!!!自從爸爸病後，我最希望身邊所有人健健康康!!老爺，祝願你身體健康，每日都精精神神，生意越做越好啦!!!好! 去相!!!

其實我自己唔會主動叫翅食，不過唔知點解老一輩既人好鐘意大日子就食翅...不過啲翅真係粗得過份....

 肘子雞燉翅，呢次啲肘子好甘香，美味!!

                      雙蚌炒翠蔬

   今次鮑魚汁整得幾好味!!!不過我至愛還是佐敦的師傅!

 大家知唔知呢pat 乜野黎?!哈!!!係花膠!好癲呀!!!大到呢!!!又好鬼厚!!!睇到匙羹同佢既對比嗎?

 第一次見經理用剪刀剪咁大隻既花膠!!!

                      上了細碟幾精緻!

                      真係好厚哦!!!

                      花膠兩食!!!今次係用鮑汁同遼參一齊炆!!好味!!

    避風塘炒大隻瀨尿蝦!啲肉好甜!

  成隻手臂咁長!不過就係食完呢個罪魁禍手，唔知係咪油得濟，我沖左入廁所，將佢成隻嘔番出黎...>___<!唉!我個胃係咪食唔慣好野?!比啲食物搞到我胃痛....之後戰抖力大減，食唔到其他野!

   粟米石斑塊.....食唔到>____<

                 呢個蛋白杏仁茶，拼得住利苑!!

                    芝麻糖脆麻花!!!好鬆口!!!!

                      老爺生日大快樂!!!!

                    點可以唔食壽包嫁?!!

今次啲野真係好好食!!!而我亦都體驗到飽到"嘔" 既滋味.....haha

女人補一補

最近因爸的病時常頻撲，有時又擔心到瞓得唔好，成日好攰咁!係時候煲啲湯補下，順便帶埋比媽咪飲!

咁咩野係阿膠呢? 阿膠是名貴中藥，與人參、鹿茸被譽為“中藥三寶”。佢有補血益氣、滋腎養肝、息風寶神和止血、安胎、潤腸、止燥之功效。同時中醫講“女子以血為本”，阿膠善補血、調經，是女子滋補佳品。啱哂啦!!以下係食譜，大家可以試下:

材料(2-3人份):

烏雞一隻，瘦肉大概15蚊，龍眼肉12粒，陳皮1/4個(浸軟去瓤)，薑4片，一片山東阿膠（打碎）


做法:
烏雞去皮洗淨用薑葱出水，瘦肉洗淨出水，將所有材料（阿膠除外）放入燉盅，加入5碗水，水滾燉2個鐘，最後放入碎阿膠溶化後（大概10分鐘）加鹽即可