有左嗎??

今朝瞓到矇茶茶起身去廁所， 發現有一個大概一蚊銀既血， 我心唸auntie 又黎探我了!!之後就番房繼續瞓!!但瞓夠沖完涼又無血喎， 心裏覺得極度奇怪!!不過前幾日先驗過綠啲，係咩線都無....唔通係著床血??不過算啦， 唸咁多都無用，遲早都會知，動身去二姐屋企玩LU~~~


二姐最近搬左去將軍澳， 養左隻好CUTE 既貓叫臭B,  好想探下佢喎!!一入屋，隻衰野就定左格望住我地!行前少少就飛奔入床下底!!但用零食同玩具引佢, 佢又走出黎玩喎!真係貪玩又8卦!!但佢都係成日捐左去床下底，可能仲驚我同老公!!之後我同老公喺梳化扮瞓覺，隻野又超八卦小心奕奕咁喺梳化椅背行過黎偷望我地!!真係笑死我!!

玩到夜晚我地叫元氣壽司外賣，食飽飽先番屋企!!

佢個樣成日嬲飽飽咁!!但又好鬼痴我二姐!