泡菜國滑雪之旅@Day 5

倒塔起身!!我成晚瞓得唔好!!點知老公較左鬧鐘聽唔到(因為我成晚郁黎郁去佢都勁攰...),好彩我個香港時間鬧鐘有響!!嘩!!,得番20分鐘!!!我地拿拿臨飛奔去巴士站!!好彩趕得切!!!

 

 

byebye啦Korea!!!

搭左唔知幾多個鐘車!!去到機場check in左就去food court 食野!!今次最可惜係無得間食炸雞!~!!唯有食KFC補償番!!

我另一個想試既冷面喺機場試到!!

石頭窝飯!!

番到屋企我所有既戰利品!!!

 

泡菜國滑雪之旅@Day 4

2013年12月28日

今日其實係最後一日，因為聽朝一早就要搭飛機！我地又係倒塔咁早8點起身，搭地鐵去東大門揾Issac!老公好想試，但其實我係無print地址，完全唔知喺東大門邊度，但女人既第六感真係超強，我憑住天賦既能力成功帶領老公到達！

超多牛油，肥爆

老公叫左辣牛肉三文治，我叫左牛肉三文治

食到半路我先知我“撻”左老公個包，仲一路話佢個包薄chit chit唔抵，wahaha

食飽早餐行過又買隻corn dog食！超為食呀我地！

之後搭地鐵去首爾站既Lotte Mart掃貨！我地真係kai嫁，買左140000 won野

戰利品，大部份都係面

喺果度又買又pack,搞左成3個鐘……好癲

Pack左2箱所以要番酒店先！番到往十里站老公話要入油先，所以買左吉士雞蛋仔比佢補充體力！

放底行李食左盒士多啤梨補充水份後就出發去明洞！

路過G25買下野飲先！我又係milkis,老公買罐提子汔水好宅男feel

明洞掃完一輪護膚品我地又坐下食野先！去左元祖蔘雞，不過覺得名聲大雨點小，nothing special!反而kimchi最好食，好爽脆

2個share食!!因為我仲要食烤肉做晚餐!!~wahahah



食完再掃化妝品，之後去揾姜東虎

炭爐燒!!正!!啲蛋超好食~仲可以任添!!我地添左兩次^___^

呢個牛肉拼盤300幾蚊港紙好抵！都有牛味！

食飽靠我老公既人肉gps帶我行去南山塔！去搭纜車超多人排隊！但上到去好美，值得的！

呢幅喺纜車影落去!

到啦!!

呢度就係南山塔啦!

我無帶鎖啊!不過我鎖住我老公一世嫁啦!!whahaha

 我地用左百四蚊港紙買左觀境台飛，但因為好攰又要等叫籌上去，所以老公叫我去送比人！佢太攰所以坐抵等我！但我又唔想嘥錢，所以企喺人地個售票處做黃牛黨，平啲叫個香港人買左去！點知老公見我咁耐都未番過黎捉左我，最後送左比對韓國情侶仔……唔制呀

搭纜車番落去就番酒店瞓lu,成十一點幾，聽朝要5點幾起身趕搭6點30既巴士去機場啊!

泡菜國滑雪之旅@Day 3

2013年12月27日

6點起身， 因為唸住早啲自己搭公車出番首爾市區玩！買左2個杯面做早餐

老公個面好滑啊

我既炸醬面都好好味

之後check out點知酒店提供出市區既巴士又有早啲既班次喎，9點30有車！所以我地最後決定買酒店巴士飛！酒店服務員好好啊，巴士飛要早兩日訂位，佢專登打去幫我地留位！全靠佢啊！

買左飛有時間淨，買多2個包同水上車食！因為都要2個鐘車程

我既花生醬包同老公既紅豆包

差唔多十二點去到蠶室落車，搭地鐵去往十里站到Amourex hotel check in!因為我地太遲買package，又貴又買唔到近旺區既酒店！呢間酒店真係唔recommend!

特大浴缸!!不過我一向怕污糟唔會喺出面浸浴!

電動廁所，廁所板暖嫁！最後果日老公仲整壞左佢，wahaha

一點around去新沙洞食部隊窩，呢個真係超惹味

行去餐廳沿途風景很美~!

看見呢間小店轉右就揾到嫁啦!

到達啦!!超好彩無乜人!!平時排隊排到七彩!

我地揀左芝士同牛肉（第一part要揀兩款餸），之後揀左炒飯（一定要叫！）

見到都流口水!!!極力推介!!

食哂果窩部隊窩佢會換過pan 炒飯比你!!又係超好食!!

  

食飽行番番地鐵站!沿途都好多塗鴉!

路邊攤買左串雞肉年糕串，甜甜地幾好食

之後去左高速巴士客運站地下街行街！啲衫真係好平！

行到好攰去foodcourt飲coffee!之後再作戰

行左2個鐘就去鷺梁津食海鮮！旅遊書呃人既！又話雪場蟹大概兩百蚊港紙，去到成500蚊！但因為出黎旅遊，可一不可再，照食啦！仲買左帶子同生八爪魚仔食！成餐連加工食左700幾蚊，不過隻蟹真係好甜好好味！即刻覺得抵番哂！

哈哈!!用我大學時學韓文初級班超級簡單既言語同人講價!!

揀完海鮮，海鮮店既老闆娘介紹我去一間餐廳加工!!!果間野個老闆真係丙得少!!我地幾枱香港人明明排最先!!佢放哂後面啲韓國人入去食!!我拉住一個識講普通話既侍應問佢點解會咁!!!佢話老闆唔識講普通話所以無放我地啲香港人入去!!!有無搞錯!!好彩我出聲啫!!唔係其他香港人仲一齊喺度白等?!

叫左一隻八爪魚活食!!!好搞笑!!!吸住條脷!

辣炒帶子片!!

好好味既蟹!

啲膏超好食!!!

好多肉呀!!!

食飽都十點幾，番酒店休息lu