華欣食疴瞓之旅@ Day 4

噢, 終於到最後一日啦!酒店食完早餐, 就帶著不捨既心情check out 啦! 櫃枱小姐仲幫我地兩個拍左張合照, 話會send番去我email度tim!!service真好!!

好, 搭酒店篤篤去番第一日落車既地方買飛，等齊人就坐番3個幾鐘車出番去曼谷市中心啦!!沿番路搭地鐵時經過找換店我再唱多啲泰幣先!!因為呢度兌得高過機場好多, 我黎緊又會去蘇梅!!!抵啊!!經過一番折騰，終於到機場搞好哂登機手續，有時間淨緊係去揾食啦!!

檸茶同泰國奶茶 

Phat thai



豬手飯

湯河



食完差唔多上飛機啦!咁又玩完一個trip啦.....

2012華欣食疴瞓之旅@ Day 3

今日又係一大朝早起身，因為我地都係要去游水！今日食早餐我地試下坐出面，一邊感受下陽光一邊進食，以為好正，但俾隻死人烏蠅喺度煩住我地，又熱死辣辣喎!所以今日食冇耐就走啦，臨走阿靚好有心機用生果砌左個人樣出黎!cute cute!



經過尋日俾個太陽曬到灰曬嘅教訓，靚靚同我今日都搽足防曬先去游水今日無冰凍野飲送啦，得星星楊桃仔，但我地都係一啲都唔執輸死去拎加埋我地自備嘅凍冰冰Coke Zero同荔枝啫哩，嘩~~~超嘆記呀！！！今次我終於記得帶埋B Duck一齊出黎游水，又拎到浮艇玩正正正！

遊完我地就沖涼，準備去Hilton Hotel對面買超美味嘅芒果糯米飯！





之後我地就行去Chao Lay食飯！叫左炸蝦春卷，炒公仔面同埋椰子咖喱蝦！yummy yummy!另外喺泰國點可以唔飲椰青呀！叫完餸嗱嗱臨開個芒果糯米飯食！超好食呀！ 傻雞本身仲無乜期望！嘩，但係一食落去真係覺得好正，甜甜地鹹鹹地咁，芒果味又夠，一流呀！

出面天陰陰所以唔坐呢度~坐室內~





食完飯我地就行返去酒店，途中經過間7仔我地入去買左阿靚喺網上見到嘅青BB custard bun，但食左又唔係話咁好食咋喎~

返酒店瞓左個晏覺之後就去返尋日去果間酒店Bar，今次坐室內，叫左putharasa同另一杯唔記得叫咩，但我地早左去冇happy hour買一送一

飲完我地再次出發去回味正盛！我地五點幾到但已經排緊隊！可能係weekend嘅關係啦！等左大概半個鐘先輪到我地~一坐落我地已經好雀躍叫到滿枱係野（五餸一湯三杯野飲）有咖喱炒蟹肉啦、沙嗲串啦、豬肉邊爐啦、炸豬肉腸仔同埋炒什菜、仲有東蔭公加一杯椰汁冰、一杯橙汁冰同埋一杯奶茶！我地食到反艇都食唔曬！埋單一百五蚊港幣抵到爛！



食完晚飯我地再去多次White Sand按摩，我都係做返signature massage，而呀靚就做埋腳仔~但今次食飽左野個肚仔頂住痛，初頭都幾辛苦，所以緊記做massage前唔好食咁飽呀做完massage行返酒店咁就完左第三日，聽日返香港啦

2012華欣食疴瞓之旅@ Day 2

黎到第二日！我地一大朝早八點幾就起身，準備我地今日豐富嘅行程！用左好短時間梳洗完畢我地就去食酒店早餐啦~雖然個早餐唔算十分好食，但我都食到飽飽，因為陣間去游水！

返返房換左衫立即開Balcony門去游水，事關個游泳池就喺我地個房出面幾步路個池好正呀，成個係用深藍色磁磚砌成，都幾大，又冇人游，好似係我同靚雞嘅專用泳池咁！游游下仲有d員工拎住d冰凍嘅飲品過黎，我梗係ja ja林攞返兩杯同阿靚喺池邊摸下杯底啦 游到累累地，我地就返房沖涼，再向正盛出發！

咁當然又係搭酒店嘅免費dook dook去啦，點知去到正盛佢竟然未開門！咁我地唯有退而求其次，去左過d有間大排擋食午飯~丫~又估唔到呢間都幾好食喎！特別係個黑椒粉絲蝦煲，好鬼惹味！個炒飯都好正，炒菜又夠擭氣

食飽飽我地就搭dook dook去Market village，呢度係華欣最大嘅shopping mall！我地喺度買曬成個trip嘅手信！有靚靚呀豆嘅夏威夷啦，有靚靚拖鞋仔啦，仲有我同靚靚嘅情侶T-shirt，同埋兒甥女嘅T-shirt仔！行到腳仔開始軟軟地，又俾我地見到auntie Anne!即刻走去懷念下個芝士香腸卷先真係好好味呀！食完諗住行下Tesco啦，點知喺Tesco門口又有間mister donut，我地就揀左個Nuts朱古力Donut，但呢個有d失望，早知唔好咁Tarm心穩穩陣陣食個普通嘅算

好啦，正式行Tesco啦！呢間大型超級市場好似澳洲d超級市場咁，有零食賣之外仲有衫褲鞋襪買，勁呀！我地又係咁買左好多零食同小小衫褲，夾埋都只係港幣二百零蚊，抵到爛！

行完我地又再去食野呢次係食甜品！Sweden's雪糕好食，曲奇底又夠趣，正！再黎多杯香濃latte叉叉電，hehe，一百個滿足！食完都四點幾，我地坐dook dook返酒店，將戰利品攤曬喺床度影返d靚相仔先

記得報呢間酒店果時見到間Bar好靚，我同靚雞就一於唔好side時間，即刻動身去尋坊呢間Bar！佢座落喺酒店villa果邊，喺正沙灘旁，有一大堆沙發，加埋杯好正嘅野飲，果刻唔係因為有人喺度，我真係好想大叫＂好cute正呀！＂

嘆到差唔多夜晚，我地就出發去Cicada夜市。呢個夜市好好氣氛，好多得意野賣，衫啦，手公藝啦，畫啦...總之就好多野賣啦！我同靚靚行到腳仔軟就座低喺果度個超大food court食野。個food court好得意嫁！一個個檔口仔，每個檔仔得一兩種野食，我地就食左 Phathai，omelette飯， 串燒同埋炸魚蛋，全部都好正本身果度仲有個好正嘅原個椰青雪糕我地想試，但由於全日係咁食，我地再冇位放個雪糕落肚啦我地行多陣就返返酒店覺覺豬啦！

有阿靚嘅旅行時時都係咁開心嫁！因為可以同最愛嘅人分享喜悅同埋嘆世界，hehe