橫琴長隆海洋王國之旅

呢年老公送比我既生日禮物就係一套橫琴長隆海洋王國兩日一夜套票!!個傻佬喺正假期買, 好貴又唔抵....2個去到一轉泰國啦!!不過呢排都好忙, 出去玩下都好!

一入到酒店大堂, 點解覺得咁面善咁既!唸唸下覺得佢跟足杜拜個Atlantis Palm hotel!強國人果真厲害!

入面有jelly belly!

Food court 裝修得好金碧輝煌!

我最鐘意食手拉既面!!呢度有喎!!!開心!!

呢個菜肉餃煎得好香!!!入面放左啲馬碲肉口感好fresh!

蘭州牛肉拉面!其實係辣嫁!!

我個肉碎刀削面!!本來應該好好食!但佢淥過龍, 搞到面質淋左啲....如果Q口應該好美味!

食飽飽， 搭酒店車入欒園囉!!好熱哦~~~

一入場, 樂園整得幾吸嫁~~

不過都係有少少大陸既感覺~~~

見到海豚啊!!

啲過山車堅恐怖!!老公唔肯同我玩!

水族館好似過關咁迫住入去行....好恐怖!!!而且個水缸好dirty....唔值得睇....

啲水係好混濁既....

之後想睇鯨鯊館, 勁多人排隊, 啲內地同胞又唔守秩序勁打尖, 最後我放棄了...唯有到此一遊咁影張相....

白鯨館....呢個經典囉~~酒店住客有綠手帶可以喺VIP通道入場, 啲內地同胞個個扮有手帶想衝入VIP通道, 比職員阻止, 但另一邊廂, 有啲內地同胞竟然趁亂拉開鐵馬成群湧入.....佢地應該唔知咩野叫秩序.....

佢好似笑緊咁~~~Cute~~

咁大條都頂到波波!!!

一散場, 望落去人多到呢.....

呢個激流好刺激, 但無人陪我玩喎...

呢隻大灰熊好污糟啊~~~

都係北極熊感覺cute d~~

集體灘屍...隻細bb 拼命爬上黎瞓落隻大度~~好搞笑

太熱太多人, 頂唔順啦, 衝番酒店!!

間房好舒服啊

有個陽台仔~~

沖完涼, 決定落去食dinner buffet!橫掂酒店食咩都比人据嫁啦~~~食左勁多蟹鉗, 仲有燕窩, 鮑魚撈飯, 一人半邊焗龍蝦, 都應該番到本~~haha~~~其實呢個buffet都幾啱細路仔嫁!有得自己斟軟雪糕, 仲有爆谷機同綿花糖機tim!!!

d cupcake 好cute~~

donut都好靚!!

嘩!!!成條魚好大條!!!

食飽飽番房瞓到第二朝, 食完早餐我地就走LU~~~有旅遊巴搭番出去碼頭搭船番香港~~~總體感覺, 呢個樂園仲有好多地方需要改善, 最好平日同埋冬季去無咁辛苦~~