生日飯@元朗

今日係我既正日生日, 老公鬼馬咁帶左我出街, 但又唔肯話我聽去邊!!一早九點整醒人, 人地都未瞓夠....

第一站，原來去新世紀睇哥斯拉!!!早餐都食唔切買左個熱狗餐入去食!!一向都對呢套戲無興趣!點知好刺激好好睇喎!!!

睇完戲食左簡簡單單既Supersandwich， 之後番薄扶林攞車, 老公又帶我遊車河!!行到半路我估到呢度係元朗, 原來佢唸住帶我去食屏山華嫂冰室, 之後去南生圍睇日落!!!佢話咁樣好浪漫喎~點知入到華嫂冰室佢就準備關門, 唔肯做我地生意, 之後我以為要自己行去南生圍, 熱死辣辣所以我話唔去,... 但原來老公話係唸住楂車沿途睇景色....哈哈~~~所有plan 都做唔到....

之後去左元朗市食豆腐花then 就食dinner 啦~~~喺餐廳仲見到姚樂瑩.....haha...聽到佢地叫左好多隻南非蠔, 我心唸, 有無咁好食呀?

3隻唔同地方既蠔我覺得左邊第一隻既南非係我最like既!!!雖然價錢係3雙中最平, 但佢好鮮甜喎!!!反而法國果隻好大陣金屬味我唔太like~~~

牛扒得好靚!!話7成真係做得到!!啲紫蕃薯蓉都整得好好食!!!推介!!

呢個龍蝦意大利飯都係推介!!!好鬼好食!!唯一係啲飯唔夠正宗啫~~真係有酒店水準嫁!!

最後等左好耐, 我問老公點解唔埋單?原來佢喺度等甜品!!比我洞破左!!!hahaha!!!多謝老公既心思~~~love u love u~~~

咁又大一歲囉!!!雖然仲未踏入3字頭, 但真係開始覺得自己慢慢老啦~~~嗚~~~以前細個讀中學就想快d 大, 到而家就想時間過得慢d, 真係矛盾!!我只希望身體健康, BB快d黎揾番我~~~haha~~~