哈哈, 成日好忙又好懶, 搞到好耐無寫BLOG, 其實呢半年去左好多地方玩, 好想UPDATE番, 我實在太懶啦~~~~之前啲旅行日誌又未打哂....點算點算....真係要起心肝啦!
講番呢個星期六日先!!又到一年一度既公司旅行啦!!因為老公向我下左禁飛領!所以我要同台東講Bye bye 啦!!!勁想join 另一班同事個台東tour, 最後割愛跟左另一團同事去澳門!呢次package 訂左金沙城Sheraton !!包船飛仲有200 蚊美食coupon!!!正正正!!
本身無咩野PLAN, 亦唸住hea 遊澳門, 所以揀左11點30分船!入到酒店, 真係好鬼大!!行到腳軟先去到front desk check in! request double bed 佢話full哂得twin bed! 但之後就知佢講大話!事關遲過我check in 既同事都有double bed!呢間酒店比我印象麻麻....
入到房, 好舒服既感覺!出面熱到震....
廁所就好一般, 不過好乾淨!
放低行李就飛的士去路環!個的士佬亂咁放低我地....行到我同老公成身濕哂都未去到漢記咖啡!最後改變行程去左食安德魯葡撻先!
真係好好食!!熱辣辣!
睇地圖發現的士佬原來喺山背放低我地, 我地要行番大半個圈去漢記!途經一個pier!
仲見到造船廠!
行到個人濕哂終於到左!!試下佢呢個手打400轉咖啡先!原來係用普通雀巢整!!不過都幾好飲!!打得好滑!
呢度係無冷氣嫁!用舊色吊扇，好熱啊~~~
叫左個辣魚多士!多士烘得好靚!
呢個豬扒面好好食!豬扒整得好淋好香口!!!雖然食物幾好, 但真係吊腳左啲!
食完野揾左好耐士先番到酒店!!好熱!!沖個涼即刻就去新濠天地睇水舞間!我同老公坐B區, 睇完都係覺得呢啲藝術既野我地真係唔係好啱!haha~~覺得長隆馬戲刺激啲~~好膚淺啊~~
不過無台效果好靚啊!
空中飛人~~~~
未睇完我地就衝走左, 因為book左食"葡國美食天地" , 佢話幫我地留位留到6:45分咋!喺新濠天地跑黎跑去, 都截唔到的士!!足足有十架的士"吉"車拒載!oh my god!我勁心急之濟, 老公跑去對面馬路同架吉車司機講價, 最後比80蚊先肯車我地去官也街!!crazy!!平時去果度廿幾蚊咋嘛!!同個司機傾左一陣, 佢話我老公有誠意先車我地!話如果我地講普通話就開我地價2百喎!!!佢話呢個時候唔駛旨意搭到的士!啲司機好多揀客嫁!!佢地油又貴車租要480蚊, 好難揾食喎!遊行過政府都唔理, 佢地只有這樣做....澳門幾時變成咁嫁???!好似好多冤氣咁?
去到又比人老點左一陣先揾到間餐廳!僅僅趕到!!佢話仲有5分鐘就會比張枱人...嚇死!!叫個sangria 先!好大渣!!
馬介休, 第一次食!都ok~~
烘豬仔包!!好大個喎!!!
西班牙海鮮炒飯!!好大wok!!好足料又好食!!!推介!!
呢個清酒蒜蓉炒蜆真係一絕!!好好食!好鮮甜好香, 又無沙!我地成碟食哂!!
第二朝十點起身, 去樓下用埋張200蚊coupon! 去左TWG食早餐!環境好舒服!!好似親親大自然咁!
無錯!!我地係食早餐!!我既latte & 咖啡碎餅蛋糕!咖啡好香濃!!
佢地真係整得好吸引,杯杯咖啡都配粒朱古力嫁! 老公既chocolate cake 都好好食!
食完我地既早餐, 番房hea一陣就落去食buffet lunch啦!!食物好一般， 但我地都喺入面hea 左3個鐘!因為hea 到咁上下就搭車去碼頭番香港啦!哈哈!雖然又熱又多交通問題遇上了, 不過我地仍覺得個package都幾好嫁~~~下次會再去, 而且會再hea d~~whahaah
沒有留言:
張貼留言