瞓足精神，冋老公落去食個Buffet breakfast!!!款式幾多，有架咖啡機自己整咖啡，味道唔錯!!!
食飽喺酒店灘左陣，就搭MRT去牛車水啦(China Town)!!今次除左周圍行下，仲想去芳林大廈熟食中心!!
牛車水啲建築七彩顏色好特別!!
芳林大廈熟食中心幾難揾，問下人先去到!!呢度有間興記出名食咖哩雞面!!幾多人排隊!!
排左20分鐘先有!!老公仲同班師奶傾計，知道叫米粉入味啲索哂啲汁!!
之後想買埋好出名既炒粿條!!可惜中午食飯時間好多上班一族!!我唯有晏啲再過黎!!走時比我見到有檔賣榴槤，買左盒企喺條街食!!(好彩有帶濕紙巾hehe)好好食啊!!!!!!
之後周圍行下同埋尋找南洋老咖啡!!
喺牛車水美食街入面!!
揾到!!
呢個我真心覺得好食過呀坤!!佢塊面包咁厚都做到好鬆化!!咖啡都好香濃!!
真係好好味嫁!!!
美食街好多食肆，不過我地去到時間尚早好多未開!
之後再周圍行下，影下佛廟!!
好!!再戰芳林熟食中心!!!誓要食到炒粿條!!!!呢間喺一樓!!
排左十幾分鐘!!!嘩!!真係好夠鑊氣!!
食飽又行去另一邊!!今次要試呢間!!!
就係榴槤pancake!!!好鬼飽!!但真係好好味!!!
好脆!!入面啲榴槤肉好正!!!
之後行得太多路!我要坐低休息下!!呢間coffee shop 有wifi!!^^
番番酒店!!好鬼熱!!!hea 到夜間先去揾野食!!!今晚無plan 求其行去Raffles City shopping Centre個food court 睇睇!!
每次離開酒店都見到呢間好靚既catholic church!!
周圍都好多人!!我地揀左呢間食!! 因為老公想回味澳洲時一間好好食既越南"靚"包~~
老公話無澳洲咁好食!!不過都做到近似啦!!
我叫左生牛肉河~~~好普通!!
行埋超市買埋甜品走人!!點知落大雨無帶傘!!我同老公坐喺張凳食埋個tart見細雨就衝番酒店!!
嘩哈哈!!!消夜梗係要似下當地公仔面!!
老公既星洲叻沙!!幾好!!
我個黑椒炒蟹撈面!!好濃味!!not my cup of tea!!最後同老公交換食!!
今日全日不停食!!!好辛苦!!!飽到呢!!!hea左陣先瞓到!!goodnight!!!
沒有留言:
張貼留言