元旦BBQ @ 二姐會所!

2015年元旦，新開始一定要約下好朋友見面啦!!我就約左林珍妮+男友仔，呀鼠，同二姐+姐夫仲有我老公一齊黎燒慶佢!!二家姐會所個爐太正，好難唔再去佢果度!!我前一晚醃左30隻叉燒醬雞翼，二家姐就整ribs同香蕉朱古力醬麥包!!嘩!!唸起都正!!好!!去相先!!

懶人爐!!放到幾多野!!雜丸，翠肉瓜，金菇，蕃薯(超甜!)，仲燒緊豬項肉!!!切片加塊烘過既面包夾埋真係勁好食啊!!

仲有大蝦，燒椒仔同雞翼!

二家姐個ribs整得好淋!!姐夫仲加埋TEXCO BBQ汁，拼得住出面啲ribs!!

BBQ 必有恩物!!!johnsonville芝士腸!!!好好味!!

呢度只係幾幅相，我又掛住食無再影啦!!仲有豬扒，呀媽牌黑椒雞扒，粟米等等等....食到抖啖氣都好辛苦!!!

 滿足既好開始!!祝大家都有個美好既2015年!!!Happy New Year!!!!