6點半一早食早餐
等旅遊巴中~
印度朝早真係大霧到無朋友!
之後又返機場坐內陸機去喀什米爾
737-800
簡單既飛機餐
原來係咖哩烤雞卷
11點起飛，12點半到達喀什米爾機場。
機場外面
今次坐5人車去船屋住2晚。入到去都2點啦。
到啦到啦!終於到船屋所在地!眼前既境色令我很驚艷!
一排排船屋排列有序!
我住既船屋!船長每隻船屋貼左香港既地區名好搞笑!我果隻係"旺角"
一入到船屋右手邊就係飯廳, 又suprise me!!幾雅緻喎!
另一角度
經過飯廳, 就黎到廳啦!好舒服!
再向前行就去到船尾啦!出面景緻撩人!
有船家小販賣零食手信等!
由船尾向左一直行就去到房間走廊啦
行到尾就係我地間房!好好彩, 我地有主人房住!全船最大^^
有個梳妝枱添!
放低行李食個午飯先！其實我一早帶左十幾個杯面嫁啦!同勁多乾糧!因一早知印度既食物唔太ok.....
對船屋膳食有哂心理準備嫁...
啲菜算入到口啦!唔係想像中咁地獄!但飯我真係食唔慣..又無味又"鞋"口...
塞飽個肚飯就到當地大概有千四年前歷史嘅古廟度行下，又行下附近嘅市集!體驗體驗!
呢個就係果個古廟!唔知點解印度超多雀!
因為廟太多人所以行左市集先!嘩!呢個女人頂頭橢超勁!
賣香料既伯伯~
印度女人結婚所穿既服飾
當地糖果禮盒
呢個男人染緊布!染完唔會甩色嫁喎!
附近有伯伯賣蘋果!楂住個秤既就係我地個導遊...
其實印度好似好耐以前落後既中國, 而佢地大多數人係用呢種三輪汔車!
好色彩鮮艷既花店!
佢地既爆谷係咁整既...
真係唔好喺街亂買野食!但你夠膽食嗎?
繼續向前行, 市集好大...
跟住市集入面仲有一個有蓋市場...
入面好多衫呀頸巾呀賣
市集遊完一圈後又去番古廟附近
入廟前要除鞋, 所以我地帶多對舊襪著住入去!
入到去原來超大!!!
室來朝拜地方!
大得濟部機影唔哂...
真人示範面向聖城默加朝拜!
呢度地氈出名!感受下先!
參觀完個廟後, 司機帶我地買生果! 買左一袋柑同一個石榴都係幾蚊港紙！抵到呢!
之後返返船屋食晚餐，咁就一日啦！其實船屋很乾淨，有暖爐有電熱氈，但廁所就麻麻地，暖水唔穩定，d水仲感覺滑汕汕有锈味！我地帶左4支1點8L watsons水自用，因為印度d水出名污糟！驚驚~~
沒有留言:
張貼留言