度蜜月第一彈@蘇梅 Day 1

2012年12月22日

好野!!放大假囉!!!今日係我地蜜月之旅6天遊第一彈既開始!!因為我鐘意啲Relax 又hea 既地方, 所以揀左Kol Samui!!yeah yeah yeah!!一年前已訂哂所有野!聖誕節係貴啲, 但度蜜月無計啦~~~keke



一早同酒店book 定車, 所以一到機場就有人接我地番酒店喇!!我訂左Nora Buri Resort & Spa, 因為貪佢夠大resort又夠relax, OK 近查汶市又唔太嘈雜~

 

酒店check in, 例牌welcome drink, 拎埋shuttle bus時間表，同check 左酒店租車自駕遊既rate, 就番房放底行李lu!!我地會經酒店租車楂, 因為有信心保證啲, 唔想喺出面租車放低passport!

 

 

嘩!!張床佈置左啦!!!好有”心”!抖左陣, 見有車出查汶，就上左shuttle 啦~因為我想book 左去龜島既one day tour先!講價再講價,最後都book 左24 DEC平安夜去浮潛!!YEAHYEAH~~

 

搞掂哂肚仔餓, 出發去揾鐵皮屋啦!!行下行, 行左大概10mins, 終於到啦!!叫左好多野食啊!!!不過我覺得華欣既正盛好味啲~~~哈哈!

椰汁雞湯!

炒貴习??

辣蒸魷魚筒!

炒面!

途經見到燒豬啊!

 

 

食飽飽, 周圍行下先, 最後又熱又攰，求其揾左間massage 店massage~~呵呵!~雖然環境裝修唔太美觀, 但勝在手法正宗好舒服啊~~~但冷氣何其之大，就係因為呢度展開左我喺旅途既發燒序幕!!!!

按完摩，去左SWENSEN'S食雪糕!

 

 

之後等酒店車番酒店HEA !到5 點幾又搭番車出去揾野食!去左Amari Palm hotel其下既Prego 度食晚飯!

 

啲醋幾靚!

老公叫cola, 我就叫vingin Colada!!

 

Italian pizza 好好味不過好熱氣!

呢個tiramisu 必食!!好好味!!!

 



 食飽飽早啲番酒店休息lu~~